Ulih latih si merdang

Cukup menda kap ken latihna ndube

Akap serayan si arah lebe

Subuk Pandita ‘tah Guru Agama

Si mbaba “B’rita Si Meriah” man guna bangsata

Mbelang taneh kendit ‘nggo i siarna

Deleng si meganjang ‘nggo i nangkihna

Mentasi kerangen rimba raya

Panasna maler iluh mambur em i tahankenna.

Angin meter udan meder tengah berngi singongo

’rdalan sisada labo ku tera;

Perba’n i tehna TUHAN temanna

Sehkel tuhu latihna

Cukup tuhu mberatna

Dalan siarah lebenta

Labo kap sia-sia si ‘erdangkenna ndube

Ertuah kap ken sini suankenna ndube

Amin metenggiring taneh perjumanta

Meramis buahna ‘ban Tuhan mupuksa

Dage ola aru ateta

Amin kitik rarasen gia

Dibata kap temanta singkawali kita

[Pasu-pasu o, Tuhan

Ras kawali o, Bapa

Pasu-pasu dage GBKP( Merga Silima e) ] 2x

Pasu-pasu dage GBKP(Merga Silima e).